Þegar við búum til góðar venjur og höldum okkur við þær, þá förum við að sjá árangur. Venjurnar eru yfirleitt ekki flóknar heldur eitthvað sem við vitum en höfum ekki viljað láta reyna á.

Besta leiðin til að auka grunnbrennsluna er að byggja upp vöðva. Stærri vöðvar eyða fleiri hitaeiningum. Einnig þurfum við að forgangsraða góðum svefni. Til að byggja upp vöðva þurfum við síðan að nærast vel og því er mikilvægt að við borðum til að styrkja vöðvauppbyggingu.

Svefn er gríðarlega mikilvægur. Hann er nauðsynlegur fyrir endurheimt, hormónastarfsemi og andlega líðan.

Streita hefur mikil áhrif á líkamann. Langvarandi streita er sérstaklega slæm og getur haft mikil áhrif á svefninn okkar og meltingu. Lengd svefns skiptir máli en meira máli skiptir hversu góður hann er. Þarmaflóran skiptir einnig gríðarlega miklu máli og streita hefur mikil áhrif á hana.