​

 

 

Berglind heiti ég og er meðal annars menntaður einkaþjálfari og næringaráðgjafi frá National Academy of Sport Medicine (NASM) og hlaupaþjálfari frá United Endurance Sports Coaching Academy (UESCA).

​

Ég hef alltaf haft gaman að hreyfingu og er gömul ballerína. Í dag stunda ég reglulega lyftingar og hlaup og ég er mjög spennt fyrir Spartan og Hyrox keppnum. Einnig hef ég hlaupið 7 maraþon og annsi mörg hálf maraþon og munu hlaup sennilega alltaf vera í uppáhaldi hjá mér þó svo að ég sé orðin aðeins hægari en ég var. Með hlaupum og lyftingum (Hyrox þjálfun) þá reyni ég að fara reglulega í klassískan Ballet hjá Boston Ballet.

​

Ég er búsett rétt suður af Boston en eyði næstum öllum vetrum í Dóminíska Lýðveldinu. Þar á undan var ég búsett í Sviss þar sem ég stundaði skíði, listdans á skautum og hjólreiðar. Í öllum þessum löndum hef ég kynnst ýmsu varðandi hreyfingu og næringu sem hefur kennt mér margt.

 

Ég er sjálf einnig búin að ganga í gegnum svo margt þegar kemur að hreyfingu. Sem dæmi þá var ég greind með endómetríósu fyrir ekki svo löngu. Þegar ég horfi til baka þá skýrir það svo margt sem ég hef gengið í gegnum síðan ég var unglingur. Einnig fór ég í margar frjósemisaðgerðir í ókunnugu landi og það eina sem að hélt mér gangandi voru hjólreiðar sem ég gat ekki stundað á ákveðnum tímum í ferlinu.  Núna síðast fór ég í gegnum breytingaskeiðið og allt það hormónaójafnvægi sem því fylgir, og hef ekki farið á blæðingar núna í um tvö ár. Þannig ég veit eitt og annað hvernig það er að vera kona að reyna að stunda íþróttir og halda sér heilsuhraustri.

​

Það allra mikilvægasta sem við eigum er heilsan okkar. Ef þig langar að taka heilsuna þína föstum tökum þá endilega hafðu samand.  

​