Einstaklingsmiðuð næringarráðgjöf sem hentar ykkur og ykkar þörfum.
Við erum öll svo mismunandi og því er mikilvægt að við nærumst eins og best er fyrir okkur.
Markmiðið með ráðgjöfinni er að þið getið útbúið hollar máltíðir sem hentar ykkur - án mikillar fyrirhafnar.
Næringarráðgjöf fyrir tvo með eftirfylgni
Næringarráðgjöfin er algjörlega einstaklingsmiðuð og fer eftir aðstæðum hvers og eins. Reynt verður að taka þínar venjur og bæta þær hægt og rólega. Mismunandi lífsstíll kallar á mismunandi næringu.
Eftir að þið hafið greitt fyrir ráðgjöfina, fáið þið sendar spurningar í tölvupósti. Báðir einstaklingar svara spurningunum eins vel og þeir geta og senda svörin á berglind@lifandilif.is.
Ég mun þá byrja að vinna í upplýsingunum og við finnum tíma til að hittast á Teams. Fyrir tímann fáið þið sendar glærur með ýmsum upplýsingum sem þið getið verið búin að skoða. Tíminn sjálfur er um 55 mínútur og þar verður farið yfir stöðuna og svarað þeim spurningum sem þið hafið.
Eftir tímann þá hafið þið 4 vikur í eftirfylgni. Þið getið sent mér matardagbók yfir það sem þið borðið (sendið fyrir eina viku í einu) eða sent mér myndir af öllu sem þið borðið (jafnóðum á whatsapp). Ég mun síðan senda ykkur ábendingar og hugsanlegar breytingar.
Einnig getið þið sent mér spurningar hvenær sem er á þessum 4 vikum.
Innifalið er einstaklingsmiðuð næringarráðgjöf. Allar upplýsingar eru sendar fyrir tímann og síðan hittumst við á Teams (55 mínútur). Eftir það eru 4 vikur þar sem þú getur sent mér spurningar og/eða sent mér matardagbók/myndir í appi og fengið upplýsingar hvernig þú getur bætt mataræðið þitt.
Þegar ég mæli með ákveðnu mataræði og næringu, þá getið þið treyst því að það er mataræði sem vísindarannsóknir styðja. Í raun er ég ekki hrifin af neinum kúrum eða að útiloka eitthvað úr mataræði - en það gæti þurft að gera í einhverjum tilfellum.
T.d. eru sumir með óþol eða ofnæmi, þá er mjög mikilvægt að forðast þá fæðu. Einnig eru sumir sem borða ekkert sem kemur frá dýrum (vegan) og ég virði það 100% og þekki vel hvernig hægt er að borða vegan mat á sem heilbrigðastan hátt.
Ég er alls ekki hrifin af Ketó af mörgum ástæðum en það hefur samt sýnt sig að það geti hjálpað þeim sem hreyfa sig ekki mikið og þurfa að missa mörg kíló. Það getur því hentað ákveðnum einstaklingum.
Mataræði er stundum eins og trúarbrögð - allir hafa skoðanir!
Ég reyni þó að byggja allar mínar skoðanir á rannsóknum og mun gera mitt allra besta að hjálpa þér að læra að þekkja hvað er gott fyrir þig.
Nei, við getum allaf fundið aðra leið til að spjalla saman ef þú vilt ekki nota Teams.