Það getur verið erfitt að passa að allir fjölskyldumeðlimir fái þá næringu sem þeir þurfa. Í næringarráðgjöf fyrir fjölskyldur þá er farið yfir næringarþörf allra meðlima fjölskyldunnar. Markmiðið er að fjölskyldan geti borðað saman næringarríkar máltíðir án þess að fyrirhöfnin sé of mikil.
Næringarráðgjöf fyrir fjölskyldur
Við þurfum öll mismunandi næringu og því er mikilvægt að við gerum okkur grein fyrir því.
Eftir að gengið hefur verið frá greiðslu þá færðu sent skjal með spurningum sem þú svarar eftir allra bestu getu og sendir mér á berglind@lifandilif.is.
Eftir að ég hef fengið svörin við spurningunum þá finnum við tíma á Teams og förum við málin. Í þessum fyrsta tíma er best að foreldri/foreldrar/forráðamaður séu einungis. Þú/þið fáið sendar glærur með ýmiskonar upplýsingum sem gagnast ykkur til að gera þær breytingar sem ákveðnar voru.
Eftir fyrsta tímann þá hefur þú og fjölskyldan tíma til að innleiða breytingarnar. Á þeim tíma getur þú alltaf sent á mig spurningar. Eftir um 4 vikur þá hittumst við aftur. Hér geta börnin verið með ef þú telur það vera betra. Í þessum tíma þá er farið yfir hvernig hlutirnir hafa gengið og hvað má betur fara.
Innifalið eru glærur sem sendar eru fyrir fyrsta tímann. Þar er farið yfir alla eintaklinga fjölskyldunnar. Tekið er saman hvernig fjölskyldumáltíðin getur litið út og hentað öllum. Farið er yfir hverskonar morgunmatur, hádegismatur og kvöldmatur hentar. Einnig er farið yfir hverskonar snarl er gott að eiga í skápunum.
Einnig eru innifaldnir 2 x 55 mín Teams fundur (getum hist svosem hvar sem er á netinu ef einhver vill ekki nota Teams). Fundirnir eru með ca 4 vikna millibili. Á milli funda er hægt að senda mér spurningar á berglind@lifandilif.is.
Allt of oft fara börnin á sama fæði og foreldrarnir þó það henti þeim engan veginn. Börn í íþróttum eiga t.d. ekki að vera á Ketó.
Börn þurfa á næringu að halda sem styður við hversu mikið þau hreyfa sig og gefa þeim nægilega mikla næringu til að glíma við erfið verkefni í skóla. Börn sem stunda engar íþróttir og eru mikið innandyra (t.d. í tölvunni) þurfa allt öðruvísi næringu en börn sem stunda bæði handbolta og fótbolta.
Aðstæður hjá foreldrum eru einnig mjög mismunandi.
Bara það að fá vitneskjuna hvernig hver og einn ætti að borða til að líða sem best er alltaf frábær byrjun. Síðan þarf að samtvinna það öðrum þáttum innan fjölskyldulífsins.
Fræðslan og innleiðingin er markmiðið með þessari ráðgjöf!