Næringarráðgjöf fyrir tvo

Næringarráðgjöfin er algjörlega einstaklingsmiðuð og fer eftir aðstæðum hvers og eins. Reynt verður að taka ykkar venjur og bæta þær hægt og rólega. Mismunandi lífsstíll kallar á mismunandi næringu. 

Eftir að ráðgjöfin hefur verið greidd, verða spurningar sendar á það netfang sem sett er við kaupin. Báðir aðilar svara spurningunum eins vel og þeir geta og senda svörin á berglind@lifandilif.is.

Ég mun þá byrja að vinna í upplýsingunum og við finnum tíma til að hittast öll á Teams. Fyrir tímann fáið þið sendar glærur með ýmsum upplýsingum sem þið getið verið búin að skoða. Tíminn sjálfur er um 55 mínútur og þar verður farið yfir stöðuna og svarað þeim spurningum sem þið hafið.

Innifalið er einstaklingsmiðuð næringarráðgjöf. Allar upplýsingar eru sendar fyrir tímann og síðan hittumst við á Teams (55 mínútur).

Þegar ég mæli með ákveðnu mataræði og næringu, þá getið þið treyst því að það er mataræði sem vísindarannsóknir styðja. Í raun er ég ekki hrifin af neinum kúrum eða að útiloka eitthvað úr mataræði - en það gæti þurft að gera í einhverjum tilfellum.

T.d. eru sumir með óþol eða ofnæmi, þá er mjög mikilvægt að forðast þá fæðu. Einnig eru sumir sem borða ekkert sem kemur frá dýrum (vegan) og ég virði það 100% og þekki vel hvernig hægt er að borða vegan mat á sem heilbrigðastan hátt.

Ég er alls ekki hrifin af Ketó af mörgum ástæðum en það hefur samt sýnt sig að það geti hjálpað þeim sem hreyfa sig ekki mikið og þurfa að missa mörg kíló. Það getur því hentað í sumum tilfellum.

Mataræði er stundum eins og trúarbrögð - allir hafa skoðanir!

Ég reyni þó að byggja allar mínar skoðanir á rannsóknum og mun gera mitt allra besta að hjálpa ykkur að læra að þekkja hvað er gott fyrir ykkur.

Nei, við getum allaf fundið aðra leið til að spjalla saman ef þið viljið ekki nota Teams.