Acerca de
Markmið og einbeiting
Vilt þú gera breytingar í þínu lífi?
​
Góð heilsa og almennt heilbrigði samanstendur af svo mörgum þáttum. Við þurfum að hafa grunnþekkingu á næringu og hreyfingu til að líða sem best. Einnig er nauðsynlegt að fá nægan svefn, huga að félagslegum þáttum og halda streitu í lágmarki. Stundum vantar okkur ekki þekkinguna. Við vitum alveg hvað þarf til að ná fram breytingum - en samt gerist ekkert. Stundum þurfum við bara örlitla aðstoð til að koma okkur í gang og einhvern utanaðkomandi sem sér hlutina kannski aðeins öðruvísi en við sjálf.
​
Markmið og einbeiting eru tímar fyrir þá sem vilja sjá breytingar í lífinu. Það getur verið að koma á nýrri morgunrútínu fyrir fjölskyldumeðlimi, borða hollara fæði, hreyfa sig meira, klára ákveðið nám eða bara hvað sem er. Í sameiningu förum við yfir stöðuna á hlutlausan hátt. Setjum viðeigandi og raunhæf markmið. Finnum síðan aðferðir til að ná markmiðunum.
​
Markmið og einbeiting eru tímar sem fara fram á Teams.
​
Hvað er innifalið og verð?
​
Fyrir tímann færðu sendan spurningalista sem þú svarar eins vel og þú getur. Síðan sendir þú svörin til mín svo ég geti undirbúið mig sem best fyrir tímann.
​
-
Markmið og einbeiting - 50 mínútur á Teams. Í fyrri tímanum er staðan tekin og farið yfir sýnileg vandamál. Hvers vegna hafa ekki fyrri tilraunir tekist? Við setjum saman raunhæf markmið - krefjandi en samt vel gerandi. Hvernig er draumastaðan? Hvaða breytingar þarf að gera? Síðan finnum leiðir sem henta þér til að vinna í breytingum.
-
Eftirfylgni - 30 mínútur á Teams. Eftir u.þ.b 4 vikur hittumst við aftur og förum yfir stöðuna. Hvernig gekk? Þarf að gera fleiri breytingar?
-
Innskráning á innra net og/eða app þar sem þú færð stuðning á milli fyrri og seinni tímans.​
​
Kr : 10.000
​
Hægt er síðan að kaupa eftirfylgnistíma (30 mínútur) þegar hentar.
-
Markmið og einbeiting - eftirfylgni í 30 mínútur á Teams.
-
Aðgangur að innra neti og/eða appinu í fjórar vikur.
​
Kr : 5.000
​
​
​
​
Mig langar að vekja athygli á því að ég er ekki menntaður sálfræðingur og hvet ég alla sem telja sig þurfa á sálfræðingi að halda að leita frekar til hans en mín. Ég er aftur á móti með MSc í Human Resource Management (Mannauðsstjórnun) og NASM- BCS (Behavior Change Specialist).