Gulróta- og kókossúpa - góð gegn flensu og frábær fyrir húðina.

Gulróta og kókossúpa

Gulrætur og kókoshneta er frábær blanda sem gefur súpunni fullt af trefjum og góða næringu. Einnig vinnur súpan á bólgum og hjálpar okkur að berjast gegn flensum sem herja á marga þessa dagana. Ekki spillir fyrir að bæði gulrætur og kókoshnetur hafa einstaklega góð áhrif á húðina og hárið.

1 matskeið kókosolía

3 stk. skalottlaukar, skornir smátt

250 g. gulrætur, skornar í bita

2 stk. hvítlauksgeirar, kramdir

900 ml. kókosvatn (magn eftir smekk)

Safi úr 1/2 límónu

Salt og pipar eftir smekk

20 ml. kókosmjólk

Ferskur kóreander, skorinn í bita

• Hitið kókosolíuna í potti á miðlungs hita, setjið skalottlaukinn í pottinn og látið malla þar til hann er orðinn glær. Setjið 3 msk vatn í pottinn ásamt gulrótunum og hitið í 2-3 mínútur. Bætið við hvítlauknum og eldið í 15 mínútur til viðbótar eða þar til að gulræturnar eru mjúkar. Bætið við vatni ef þörf er.

• Tæmið úr pottinum í blandara eða matvinnsluvél og setjið 450 ml. af kókoshnetuvatninu út í. Hrærið og setjið aftur í pottinn. Setjið meira af kókoshnetuvatninu saman við, þangað til þið hafið fengið þá þykkt á súpunni sem þið viljið. Hitið súpuna vel og bætið við safanum úr límónunni, salti og pipar.

• Setjið í skálar og skreytið með kókosmjólk og kóreander.