Chia búðingur

 

Þessi einfaldi og saðsami búðingur er frábær til að grípa í þegar tíminn er lítill.  Hér kemur góð grunnuppskrift og það er um að gera að nota hugmyndaflugið og breyta henni og bæta eftir smekk.  

 

Þessi uppskrift er fyrir einn.  Hún er 293 kaloríur, þar af 10g prótein og 46g kolvetni.  Chia fræin eru ekki bara með hátt hlutfall af omega-3 heldur innihalda þau einnig hátt hlutfall af trefjum.  Í þessarri uppskrift eru trefjarnar 12g:

 

1/2 bolli hemp- eða möndlumjólk, ósæt

2 msk. chia fræ

2 msk. haframjöl

1/2 banani, skorinn í bita

1/2 bolli fersk eða hálf frosin bláber

 

  • Setjið mjólkina í skál og blandið saman við chia fræin og haframjölið.  Látið bíða í 10 mínútur.  Einnig er hægt að gera þetta kvöldið áður og láta sitja yfir nótt í ísskáp.
  • Bætið við banana og bláberjum rétt áður en borðað er.  

 

 

Það er svo mikið af ávöxtum orðið til í búðunum að það er tilvalið að prufa eitthvað nýtt.  Perur eru t.d. mun hollari en marga gruna og appelsínur standa alltaf fyrir sínu.  Uppistaðan að hollu mataræði er fjölbreytileiki. 

 

 

 

 

© Lifandi Líf ehf, Berglind Ósk Magnúsdóttir. Útgefið 2018.  Myndir: Pixabay.